Урад зацвердзіў дзяржпраграму "Здароўе нацыі" на 2026-2030 гады
Урад зацвердзіў дзяржаўную праграму "Здароўе нацыі" на 2026-2030
гады. Адпаведную пастанову падпісаў прэм'ер-міністр Беларусі Аляксандр
Турчын, паведамілі БЕЛТА ў прэс-службе ўрада.
Дзяржпраграма ўключае тры падпраграмы: "Прафілактыка, дыягностыка,
лячэнне" (накіравана на ўкараненне сучасных метадаў прафілактыкі і
лячэння неінфекцыйных захворванняў, забеспячэнне даступнасці і высокіх
стандартаў якаснай медыцынскай дапамогі незалежна ад месца пражывання,
прафілактыку інфекцыйных захворванняў і процідзеянне іх
распаўсюджванню); "Лічбавізацыя і высокатэхналагічная медыцына"
(прадугледжвае развіццё функцыянальных магчымасцей цэнтралізаванай
інфармацыйнай сістэмы аховы здароўя і ўкараненне сучасных тэхналогій у
медыцыне); "Інфраструктура аховы здароўя" (накіравана на развіццё
інфраструктуры аховы здароўя, умацаванне кадравага патэнцыялу галіны).
Рэалізацыя дзяржпраграмы накіравана на дасягненне да 2030 года
наступных зводных мэтавых паказчыкаў: павелічэнне чаканай працягласці
жыцця да 76,5 года, зніжэнне агульнага каэфіцыента смяротнасці
насельніцтва да 11,5 праміле.
