ЖЫЦЦЁ ПРЫСВЯЦІЎ ЛЮДЗЯМ: СЁННЯ ПАРАД ЛЯ СВАЙГО ДОМА ПРЫМАЕ ВЕТЭРАН ВЯЛІКАЙ АЙЧЫННАЙ ВАЙНЫ З ГОМЕЛЬСКАГА РАЁНА

Стогадовы юбілей Аляксандр Трафімавіч з вёскі Галавінцы адзначыў у канцы красавіка. З гэтым святам і надыходзячым Днём Перамогі ветэрана Вялікай Айчыннай вайны павіншаваў старшыня аблвыканкама Іван Крупко. Далучылася і моладзь Гомельшчыны: міратворцы, школьнікі, творчыя калектывы.

Падліпскі быў партызанам, пасля трапіў у рады Чырвонай арміі. Удзельнічаў у баях пры фарсіраванні ракі Друць, аперацыі «Баграціён», у вызваленні Бабруйска, Мінска, прайшоў Усходнюю Прусію і штурмаваў горад-крэпасць Кёнігсберг. А далей - вайна з Японіяй.
Аб заслугах гавораць шматлікія ўзнагароды: ордэн Айчыннай вайны II ступені, медалі "За адвагу", "За баявыя заслугі", "За ўзяцце Кёнігсберга", "За перамогу над Германіяй", "За перамогу над Японіяй" і іншыя.

У красавіку 1947 года Падліпскага дэмабілізавалі, пасля чаго ён вярнуўся дадому. У жніўні 1951 года Аляксандр Трафімавіч пераехаў на Гомельшчыну, працаваў дырэктарам і завучам школы ў Галавінцах. Сваё жыццё ветэран прысвяціў людзям - спачатку рызыкаваў за агульную Перамогу, а пасля быў грамадзянікам: больш за дваццаць гадоў працаваў народным дэпутатам сельсавета, старшынёй першаснай арганізацыі Усесаюзнага таварыства "Веды".

- Вы 40 гадоў рыхтавалі моладзь, выхоўвалі іх годнымі людзьмі. Цяпер для нас галоўнае - захаваць мір у краіне. Ваш прыклад - паказальны для падрастаючага пакалення. Здароўя вам і доўгіх гадоў жыцця! - гучаць пажаданні ад губернатара падчас уручэння ветэрану медаля да юбілею Гомельскай вобласці.