У Гомельскай вобласці завершана афармленне пашпартоў гатоўнасці да ацяпляльнага перыяду

4 кастрычніка, Мінск /Кар. БЕЛТА/. У праекце БЕЛТА "Краіна гаворыць" начальнік галоўнага ўпраўлення жыллёва-камунальнай гаспадаркі Гомельскага аблвыканкама Дзмітрый Згурскі расказаў аб афармленні пашпартоў гатоўнасці да ацяпляльнага перыяду.

У Гомельскай вобласці пашпарты гатоўнасці атрымліваюць да 1 верасня. Атрыманне гэтых пашпартоў сведчыць аб выкананні ўсіх неабходных мерапрыемстваў і падрыхтоўцы аб'ектаў да будучага ацяпляльнага перыяду. "Усе пашпарты гатоўнасці цеплакрыніц, задзейнічаных у ацяпляльным працэсе як жыллёвага фонду, так і сацыяльных аб'ектаў, былі атрыманы. Таксама пашпарты гатоўнасці атрымалі ўсе спажыўцы сістэмы ЖКГ. Такія дакументы таксама атрымліваюць таварыствы ўласнікаў і іншыя спажыўцы цеплавой энергіі, якія абавязаны ў адпаведнасці з заканадаўствам атрымліваць пашпарт гатоўнасці", - адзначыў Дзмітрый Згурскі. Ва ўпраўленні ЖКГ адзначылі, што па стане на пачатак кастрычніка ўсе пашпарты гатоўнасці былі атрыманы.

Работа па падрыхтоўцы да ацяпляльнага сезона ідзе планамерна, дадаў начальнік упраўлення. "Гэта пытанне, якое дакладна вызначаецца дзяржпраграмамі, і пад гэта прадугледжваецца фінансаванне. Ніякіх скачкоў тут няма, калі вызначана 4 працэнты цеплавых сетак пад замену, то менавіта гэты аб'ём і выконваецца кожны год, што забяспечвае надзейную эксплуатацыю", - сказаў ён.-0-

Праект створаны за кошт сродкаў мэтавага збору на вытворчасць нацыянальнага кантэнту.

БЕЛТА - Навiны Беларусi