By
Адрас райвыканкама: Рэспубліка Беларусь, Гомельская вобласць,
247095, г.п. Лоеў, вул. Леніна, 2
Тэлефон прыёмнай: 8 02347 2 04 10
-
E-mail:
isp@loev.gov.by (для дзелавой перапіскі)
Навіны рэгіёну
Гомель /Кар. БЕЛТА/. Фотавыстава Руслана Карпава "Мужчынскі партрэт" адкрыецца 22 ліпеня ў Гомелі ў музеі аўтографа цэнтральнай гарадской бібліятэкі імя А.І.Герцэна, паведамілі карэспандэнту БЕЛТА ў сетцы публічных бібліятэк горада Гомеля.
У экспазіцыі - чорна-белыя фатаграфіі мужчын розных нацыянальнасцей, узростаў і прафесій. "Людзі на фотапартрэтах засяроджаныя, сур'ёзныя, з жывымі эмоцыямі. Вобразы мужныя і брутальныя. У секундным поглядзе кожнага фатограф змог улавіць моцныя эмоцыі і рашучасць духу, цвёрдасць, якія ўласцівы мужчынскаму характару", - адзначылі ў дзяржаўнай установе.
У бібліятэцы расказалі: першы партрэт аўтара атрымаўся выпадкова. Ён адпрацоўваў на практыцы прачытаную ў фотачасопісах тэорыю, зняў вядомага вулічнага мастака Валерыя Ляшкевіча. "Фатаграфія адрознівалася ад рэальнасці: на вуліцы ўсе бачаць пастаянна ўсмешлівага дзядулю, на здымку ж быў мудры старац з абпаленым на сонцы тварам і зрэзаным глыбокімі маршчынамі лбом. Атрымалася цэлая гісторыя жыцця ў адным здымку", - падкрэслілі ў дзяржустанове.
Пачатак чорна-белай серыі паклаў фотапартрэт расійскага падарожніка Пятра Нікіціна. Фатаграфія была адабрана з 2 тыс. здымкаў на міжнародны конкурс FotoEmotion (Іспанія) і разам з 17 іншымі работамі выстаўлялася ў галерэі "Максо" ў Барселоне. "Дарэчы, на адкрыцці выставы можна будзе ўбачыць відэатрансляцыю гэтай анлайн-выставы ў Барселоне", - удакладнілі ў сетцы публічных бібліятэк.
Руслан Карпаў нарадзіўся ў 1969 годзе. Першае яго знаёмства з чорна-белай фатаграфіяй адбылося яшчэ ў чатырохгадовым узросце. Бацька аўтара займаўся фатаграфаваннем, і Руслан гадзінамі мог разглядаць здымкі. У 2004-м ён набыў сваю першую "лічбу", шмат эксперыментаваў: здымаў архітэктуру, кветкі, захады сонца, ствараў калажы, выкарыстоўваў розныя эфекты.
Выстава "Мужчынскі партрэт" прадоўжыцца ў бібліятэцы да 22 жніўня. Уваход свабодны.-0- Да спіса
22.07.2021
Цвёрдасць, рашучасць і сіла духу - выстава "Мужчынскі партрэт" адкрыецца ў Гомелі
Гомель /Кар. БЕЛТА/. Фотавыстава Руслана Карпава "Мужчынскі партрэт" адкрыецца 22 ліпеня ў Гомелі ў музеі аўтографа цэнтральнай гарадской бібліятэкі імя А.І.Герцэна, паведамілі карэспандэнту БЕЛТА ў сетцы публічных бібліятэк горада Гомеля.
У экспазіцыі - чорна-белыя фатаграфіі мужчын розных нацыянальнасцей, узростаў і прафесій. "Людзі на фотапартрэтах засяроджаныя, сур'ёзныя, з жывымі эмоцыямі. Вобразы мужныя і брутальныя. У секундным поглядзе кожнага фатограф змог улавіць моцныя эмоцыі і рашучасць духу, цвёрдасць, якія ўласцівы мужчынскаму характару", - адзначылі ў дзяржаўнай установе.
У бібліятэцы расказалі: першы партрэт аўтара атрымаўся выпадкова. Ён адпрацоўваў на практыцы прачытаную ў фотачасопісах тэорыю, зняў вядомага вулічнага мастака Валерыя Ляшкевіча. "Фатаграфія адрознівалася ад рэальнасці: на вуліцы ўсе бачаць пастаянна ўсмешлівага дзядулю, на здымку ж быў мудры старац з абпаленым на сонцы тварам і зрэзаным глыбокімі маршчынамі лбом. Атрымалася цэлая гісторыя жыцця ў адным здымку", - падкрэслілі ў дзяржустанове.
Пачатак чорна-белай серыі паклаў фотапартрэт расійскага падарожніка Пятра Нікіціна. Фатаграфія была адабрана з 2 тыс. здымкаў на міжнародны конкурс FotoEmotion (Іспанія) і разам з 17 іншымі работамі выстаўлялася ў галерэі "Максо" ў Барселоне. "Дарэчы, на адкрыцці выставы можна будзе ўбачыць відэатрансляцыю гэтай анлайн-выставы ў Барселоне", - удакладнілі ў сетцы публічных бібліятэк.
Руслан Карпаў нарадзіўся ў 1969 годзе. Першае яго знаёмства з чорна-белай фатаграфіяй адбылося яшчэ ў чатырохгадовым узросце. Бацька аўтара займаўся фатаграфаваннем, і Руслан гадзінамі мог разглядаць здымкі. У 2004-м ён набыў сваю першую "лічбу", шмат эксперыментаваў: здымаў архітэктуру, кветкі, захады сонца, ствараў калажы, выкарыстоўваў розныя эфекты.
Выстава "Мужчынскі партрэт" прадоўжыцца ў бібліятэцы да 22 жніўня. Уваход свабодны.-0- Да спіса
