Адрас райвыканкама: Рэспубліка Беларусь, Гомельская вобласць, 247095, г.п. Лоеў, вул. Леніна, 2

Тэлефон прыёмнай: 8 02347 4 22 10

E-mail: isp@loev.gov.by

Набярэжная р.Днепр
Набярэжная р.Днепр
Галоўная / Навіны / Навіны рэгіёну
16 жніўня 2022

"Палескую прыгажуню" выберуць на фестывалі ў Ляскавічах 20 жніўня

16 жніўня, Гомель /Кар. БЕЛТА/. "Палескую прыгажуню - 2022" выберуць на міжнародным фестывалі этнакультурных традыцый "Кліч Палесся", які пройдзе 20 жніўня ў Ляскавічах (Петрыкаўскі раён), паведамілі БЕЛТА ў цэнтры моды і прыгажосці "Хрустальная Німфа".

У V конкурсе прыгажосці і грацыі "Палеская прыгажуня - 2022" прымуць удзел 11 прадстаўніц Гомельскай і Брэсцкай абласцей. Кожная з іх прэзентуе свой куток Палесся.

Цяпер дзяўчаты актыўна рыхтуюцца да конкурсу - заняткі па харэаграфіі, дэфіле, майстар-класы ад спецыялістаў моднай індустрыі, фотасесіі. Арганізатары не раскрываюць усіх сакрэтаў фінальнага шоу, але абяцаюць, што прэтэндэнткі на карону абавязкова здзівяць яркімі, непаўторнымі, аўтэнтычнымі вобразамі і чароўнай палескай прыгажосцю.

Конкурс арганізуе цэнтр моды і прыгажосці "Хрустальная Німфа" пры падтрымцы галоўнага ўпраўлення ідэалагічнай работы, культуры і па справах моладзі Гомельскага аблвыканкама, генеральнага партнёра ААТ "Гомельскае ВА "Крышталь".-0-

Навіны Беларусі (БЕЛТА)