На апаратнай нарадзе ў аблвыканкаме абсудзілі пытанні падрыхтоўкі да навагодніх свят
Кіраўнік рэгіёна Іван Крупко таксама завастрыў увагу на тэме добраўпарадкавання і навядзення парадку на тэрыторыі сельскагаспадарчых арганізацый.
Як падкрэслілі ва УУС аблвыканкама, асабісты склад органаў і падраздзяленняў унутраных спраў на перыяд навагодніх свят будзе пераведзены на ўзмоцнены рэжым нясенне службы. Асаблівы акцэнт зробяць на бяспецы дарожнага руху. У навагоднюю ноч для аховы правапарадку і грамадскай бяспекі задзейнічаюць 1200 чалавек асабовага складу.
Абласное ўпраўленне МНС мабілізуе сілы для забеспячэння супрацьпажарнай бяспекі. Супрацоўнікі МНС і праваахоўнікі з асаблівай увагай паставяцца да выкарыстання грамадзянамі піратэхнічных вырабаў.
Акрамя таго, у перыяд свят будзе ўзмоцнены рэжым работы медыкаў. Павялічваецца колькасць дзяжурных брыгад.
Аб поўнай гатоўнасці зрабілі справаздачу таксама камунальныя службы і энергетыкі. У выпадку аварый у рэгіёне маюцца аўтаномныя крыніцы электраэнергіі, ёсць і пера-совачныя кацельні. Спецтэхніка гатова да змены надвор'я, выпадзення ападкаў.
У ходзе нарады разабралі пытанні добраўпарадкавання і навядзення парадку на тэрыторыі сельскагаспадарчых арганізацый.
Асобна абмеркавалі становішча спраў на грамадзянскіх могілках рэгіёна. Праблемы ў розных раёнах падобныя: несвоечасовае абкошванне, адсутнасць кантэйнерных пляцовак для збору адходаў і агароджаў, нерэгулярны вываз смецця.
«Сістэматызуйце працу і наводзіце жалезны парадак, усе службы павінны працаваць разам – на фермах, могілках, у цэлым па вобласці», – рэзюміраваў губернатар.
