Мінсельгасхарч: амаль палавіна арганічных угнаенняў ужо вывезена на палі

На палі вывезена амаль палавіна арганічных угнаенняў, паведамілі БЕЛТА ў прэс-службе Міністэрства сельскай гаспадаркі і харчавання.

"Хоць уборка ўраджаю завяршылася зусім нядаўна, сельскія працаўнікі ўжо актыўна рыхтуюцца да веснавых палявых работ наступнага года. У прыватнасці, на палі вывезена 47 працэнтаў запланаванай колькасці арганічных угнаенняў", - адзначылі ў Мінсельгасхарчы.

Больш за ўсё ўгнаенняў вывезена ў Брэсцкай вобласці - 56 працэнтаў. Далей ідуць Віцебская вобласць - 53 працэнты, Гродзенская - 46 працэнтаў, Мінская - 45 працэнтаў, Гомельская - 43 працэнты, Магілёўская - 34 працэнты.-0-

БЕЛТА - Навiны Беларусi