У Гомелі на стадыёне «Прамень» у рамках абласнога турыстычнага злёту падлеткаў прайшоў абласны спартыўны фестываль «Выклік чэмпіёна». Удзельнічала ў ім 25 каманд з усёй Гомельшчыны, у тым ліку і з Лоеўскага раёна. Каманду нашага раёна ў колькасці дванаццаці чалавек узначальваў выкладчык фізічнай культуры раённай гімназіі Сяргей Максіменка. Хлопцы і дзяўчаты прынялі ўдзел у дзесяці розных конкурсах-прайшлі турыстычную паласу перашкод, паказалі навыкі фігурнага ваджэння веласіпеда і трапнасць у стральбе з пнеўматычнай вінтоўкі, праявілі камандны дух у паркавым валейболе і міні-футболе, перацягванні ліны і жартоўнай дысцыпліне — кіданні валёнка, а таксама фотаконкурсе. Акрамя гэтага, каманды прынялі ўдзел у правым конкурсе " сіла Закона!». Па выніках усіх спаборніцтваў пальму першынства ўзяла каманда нашага раёна. Малайцы, хлопцы Віншуем з перамогай! Так трымаць!
