Намеснік начальніка Гомельскага абласнога ўпраўлення МНС Андрэй Грыгаровіч сустрэўся з жыхарамі Уборкаўскага сельскага савета
Андрэй Іосіфавіч распавёў жыхарам вёскі аб наяўнай
аператыўнай абстаноўцы з пажарамі на тэрыторыі Гомельскай вобласці і раёна, аб
асноўных прычынах іх узнікнення і фактарах, якія спрыяюць гібелі людзей у агні.
Звярнуў увагу грамадзян на факты ўзнікнення пажараў па прычыне неасцярожнага
абыходжання з агнём, у тым ліку пры курэнні. Андрэй Грыгаровіч давёў асноўныя
правілы бяспекі, якія неабходна выконваць, каб пазбегнуць бяды. Распавёў, што
людзі, якія трапілі ў бяду, не заўсёды могуць справіцца з ёй самастойна без
дапамогі адпаведных службаў. А для таго, каб пазбегнуць пажару ў кватэры ці ў
хаце, неабходна выконваць вельмі простыя правілы. Андрэй Іосіфавіч распавёў
жыхарам вёскі Уборак пра тое, як неабходна дзейнічаць у выпадку ўзнікнення
пажару, як карыстацца першаснымі сродкамі пажаратушэння і для чаго патрэбен
аўтаномны пажарны апавяшчальнік. Асобна закрануў тэму дзіцячага траўматызму і
небяспекі тонкага лёду. У завяршэнне гутаркі ўсім прысутным быў прадэманстраваны
дадатак «МНС Беларусі: дапамога побач» і паказаны фільм супрацьпажарнай
накіраванасці.
