ВЫКАНАЎЧЫ КАМІТЭТ
Сесія Савета калектыўнай бяспекі АДКБ пройдзе 23 лістапада ў Мінску пад старшынствам Прэзідэнта Рэспублікі Беларусь Аляксандра Лукашэнкі, паведамілі БЕЛТА ў прэс-службе АДКБ.
"З дакладам аб выніках дзейнасці АДКБ у міжсесіённы перыяд выступіць генеральны сакратар арганізацыі Імангалі Тасмагамбетаў. Члены СКБ абмяркуюць актуальныя праблемы міжнароднай і рэгіянальнай бяспекі, вызначаць задачы, а таксама прымуць шэраг дакументаў, накіраваных на забеспячэнне інтарэсаў калектыўнай бяспекі", - сказалі ў прэс-службе.
Як чакаецца, Прэзідэнт Казахстана Касым-Жамарт Такаеў прадставіць прыярытэтныя напрамкі дзейнасці ў перыяд старшынства ў АДКБ Казахстана. У 2023 годзе ў АДКБ старшынствуе Беларусь.
"Напярэдадні сесіі Савета калектыўнай бяспекі 22 лістапада пройдзе сумеснае пасяджэнне Савета міністраў замежных спраў, Савета міністраў абароны і Камітэта сакратароў саветаў бяспекі АДКБ", - дадалі ў прэс-службе.-0-